खोला तारेको पाँच हजार

खोला तारेको पाँच हजार

• पुल-पुलेसा नहुँदा फस्टाएको खोला तार्ने व्यवसाय

महिला तथा बालबालिका जिल्ला कार्यालयमा कार्यरत आफ्नी पत्नी गीतालाई मोटरसाइकलमा राखेर दैलेखबाट सुर्खेत हुँदै जाजरकोट पुर्‍याउन वसन्त श्रेष्ठलाई गाह्रै पर्‍यो। मोटरसाइकलमा हालेको इन्धनबाहेक उनले ४ हजार ६ सय रुपियाँ थप खर्च गरे। सल्लीबजार-जाजरकोटको ६३ किलोमिटर सडकखण्डमा पर्ने खोला तर्न उनले यो रकम खर्चेका हुन्। उनले नौवटा खहरे खोलामध्ये तीनवटामा त मोटरसाइकल र श्रीमतीलाई आफैँले तारे। तर, ६ वटामा स्थानीय युवाको सहयोग नलिई धरै पाएनन्।

श्रेष्ठ दम्पती मात्रै नभई सुर्खेतका आठ गाविस, सल्यानका सात गाविस र जाजरकोट जिल्लावासीको साझा समस्या हो यो। वर्षा याममा यात्राका क्रममा जोखिम र कष्टको त कुरै छाडौँ, आर्थिक भारका दृष्टिले समेत उत्तिकै महँगो साबित हुन्छ, यो बाटो। श्रेष्ठ भन्छन्, "चार घन्टाको बाटो काट्न १८ घन्टा लाग्यो।" उनका भनाइमा स्थानीय युवाले मोटरसाइकललाई खोला तारििदएबापत पाँच सयदेखि एक हजार रुपियाँसम्म ज्याला लिन्छन्। यात्रु तारेको चाहिँ ग्राहक हेरेर जनही ७५ रुपियाँदेखि तीन सय रुपियाँसम्म भाडा असुल्ने गरेको वन रक्षक धर्म महतारा बताउँछन्। भन्छन्, "गत साता मात्रै सल्लीबजारबाट आउन खोला तरेको आठ सय रुपियाँ तिरेँ।" खोला किनारमा बसेका प्रत्येक युवाले यात्रु र मोटरसाइकललाई खोला तारेर मात्रै प्रतिदिन २ हजार ५ सयदेखि चार हजार रुपियाँसम्म कमाइ गर्ने फेरा खोलाका होटल व्यवसायी कर्ण शाही बताउँछन्।

राकमबाट जाजरकोटका लागि छुटेका यात्रुवाहक बस र मालवाहक ट्रयाक्टरहरूलाई भने सडक निर्माणमा संलग्न ठेकेदारका स्काभेटर र डोजरले सशुल्क तार्छन्। डोजरले खोलामा फसेका बस तार्न १ हजार ५ सयदेखि ६ हजार रुपियाँसम्म लिन्छन्।

भेरी नदीमा मिसिने यी खहरे खोलाहरू दुर्घटना र जनधनको क्षतिका प्रमुख कारक बनेका छन्। यिनै नौ खोलामा बर्सेनि करबि दर्जन यात्रु र स्थानीयको बगेर ज्यान जाने गरेको छ। सरकारी निकायसँग भने यसबारे आधिकारकि तथ्यांक छैन। सल्यान देवस्थलको सल्लीबजारबाट जाजरकोटसम्म पुग्न सार्वजनिक यातायात र पैदल यात्रुका लागि कुनै पनि खोलामा पुल छैनन्। सल्यानको बंगार खोला, सुर्खेतका काली खोला, बाली खोला, गोजी खोला, गजेडी खोला र जाजरकोटका छेडा खोला, फेरा खोला, इबर खोला र पासागार खोला पार गर्नुपर्छ। यी खोलाको बहाव स्थायी नहुने र पुल पनि नभएका कारण यात्रुलाई निकै गाह्रो भएको राकम, जामुने बजारका कुवेर पोखरेल बताउँछन्।

नेपाल निर्माण व्यवसायी संघका केन्द्रीय अध्यक्ष जयराम लामिछानेको स्वच्छन्द निर्माण सेवाले भेरी नदीमा पुल निर्माण गर्न लागेको १० वर्ष बिते पनि हालसम्म अधुरै छ। १४ वर्षदेखि फेरीमार्फत हिउँदमा यातायातका साधनहरू तार्ने सुविधा भए पनि जेठदेखि कात्तिकसम्म ६ महिना बन्द हुन्छ। "नेपालगन्ज र सुर्खेतजस्ता सहरबाट जाजरकोट पुग्न दुई-तीनवटा सवारी साधन फेर्नुपर्ने बाध्यता छ," भेरीगंगा यातायात व्यवसायी संघका अध्यक्ष सुरेश कार्की बताउँछन्।

विश्व बैंकको सहयोगमा चार खण्डमा विभाजन गरेर सुर्खेत पोखरेबाट खलंगासम्म सडकको स्तरोन्नति गरिँदै छ। तर, खोलाको भाग आफ्नो जिम्मेवारी नभएको भन्दै ठेकेदारहरू पन्छिँदै आएका छन्।

भेरी नदीमा फेरी नचल्ने कारण देखाउँदै जाजरकोटका व्यापारीहरू दैनिक उपभोग्य वस्तुमा चर्को मूल्य असुल्छन्। उपभोक्ता हित संरक्षण मञ्चका सचिव दीपेन्द्र शर्मा भन्छन्, "वर्षामा फेरी चल्दैन भनेर मूल्य बढाउँछन् तर फेरी चल्यो भनेर कहिल्यै घटाउँदैनन्।"

मौसमी रोजगारी

कामका लागि भारतका विभिन्न भागमा भौँतारिनु मध्यपश्चिम पहाडका युवाको परम्परागत पेसाजस्तै भइसकेको छ। तर, सल्यान देवस्थल र सुर्खेतको सिम्ता क्षेत्रका युवा भने वर्षा लागेपछि गाउँघरमै राम्रो आम्दानी गर्छन्। छिन्चु-जाजरकोट सडक सञ्चालन हुनुअघि गाउँघरमा कमाइ नभएर कालापार -सीमापारि) जाने युवा अचेल वर्षा लागेपछि गाउँमै रोजगार पाइने भयो भनेर खुसी हुन्छन्। किनभने, सानैदेखि रमाइलोका लागि खेल्दै आएको पौडीको सीप यतिखेर आय आर्जनका लागि काम लागेको छ। वर्षातले अपर्झट उर्लिने खहरे खोलामा यात्रु, मोटरसाइकल र अरू सरसामान तार्न उनीहरूलाई भ्याइनभ्याइ हुन्छ। त्यति मात्रै होइन, आफ्नो रोजगारका लागि यात्रुलाई असहज बनाउन र खोला बाँडिने बगरमा पनि एउटै धारमा बग्न बाध्य बनाएर समेत दुःख दिने गरेको गुनासो जाजरकोटवासीको छ।

अग्ला बलिउडका १० नायिकाहरु

बलिउडमा यतिबेला आकर्षक फिगर र लोभलाग्दो जीउडाल भएका नायिकाहरुको प्रवेश भइरहेको छ । यसैले पनि बलिउडका नायिकाहरुको अभिनय मात्र नभएर सौन्दर्यको पनि विश्व नै दिवाना छ । बलिउडमा आएका अधिकांश नायिकाहरुको लोभलाग्दो उचाई छ । प्राय नायिकाहरु उचाई कम भएकै कारणले असफल पनि भएका छन् । तर यहाँ हामीले बलिउडका सबैभन्दा अग्ला बलिउडका १० नायिकाहरुलाई प्रस्तुत गरेका छौ ।पूर्व मिस वल्र्ड प्रियंका चोपडाको उचाई ५ फिट ८ ईन्च छ । यस्तै अर्की हट नायिका लारा दत्तको उचाई पनि प्रियंकाको जस्तै ५ फिट ८ ईन्च नै छ । यो उचाई कमै मात्र युवतीहरुले पाउँछन् ।

अर्की सुन्दर नायिका सोनम कपुर पनि ५ फिट ८ ईन्च अग्ली छिन् । हालै मात्र २ सफल सिनेमा दिएकी सोनमको शारीरिक बनाबट उचाईका कारण पनि लोभलाग्दो छ । बलिउडमा ५ फिट ८ ईन्च उचाई भएका नायिकाहरुको सूचि लामो छ । यो भिडमा अर्की सुन्दरी सोनाली बान्द्रे पनि पर्छिन् ।

सेक्सी गर्ल शिल्पा सेट्टीको उचाई पनि अन्य नायिकाको जस्तै ५ फिट ८ ईन्च नै छ । विपशा वासु पनि अग्ली नायिकाको सूचिमा पर्छिन् । काली सेक्सी सुन्दरीको उचाई ५ फिट ८ ईन्च नै छ । तर यि सबै नायिकाहरुलाई पछि पार्दै लण्डन सुन्दरी कटि्रना कैफको उचाई ५ फिट साढे ८ ईन्च उचाई छ । ‘रब ने बनादी जोडी’ डेब्यू गर्ल सेक्सी अनुष्का शर्माको उचाई ५ फिट ९ ईन्च छ । यसैले पनि उनी उचाइका कारण सधै चर्चामा हुन्छिन् ।

अनुष्काकै प्रतिस्पर्धामा रहेकी नायिका दीपिका पादुकोणको उचाई पनि ५ फिट ९ ईन्च छ । उनको सामु बलिउडका धेरै नायकहरु फुच्चे देखिन्छन् । बलिउडमा सबैभन्दा अग्ली नायिकाको रुपमा सुष्मिता सेनलाई मानिन्छ । उनको उचाई ५ फिट साढे ९ ईन्च छ । आफ्नो अभिनयका कारणले बलिउडका यि नायिकाहरुले जुन खालको उचाई पाएका छन् त्यस्तै उचाईको शारीरिक बनावट यि नायिकाहरुको छ ।

चलचित्र सुनगाभालाई ओष्कार अवार्ड

चलचित्र सुनगाभालाई ओष्कार अवार्डका लागि पठाइएपछि यसले अहिले चर्को विवाद सिर्जना गरेको छ । विशेषगरी सिनेमाका निर्माता, निर्देशक विदेशी नागरिक भएको भन्दै विभिन्न चलचित्रकर्मीहरुले विरोध जनाइरहेका छन् । यसैवीच सुनगाभा विवादको बिषयमा निर्माणपक्षले मुख खोलेको छ । चलचित्रका निर्देशक सुवर्ण थापाले फ्रान्सबाट स्काइपमा कुरा गर्दै भने, ‘मैले कलाकारको नाताले सिनेमा बनाएको हो, राम्रो सिनेमा बनाउँदा यस्तो विवाद आउनु दु:खको कुरा हो । ‘ उनले सबैभन्दा पहिलो कुरा राष्ट्रियता भएको भन्दै यसलाई विवादमा नलैजान आग्रह गरेका थिए ।

 १ बर्ष देखि फ्रान्सको नागरिकता लिएका सुवर्णले एनआरएनहरुले सिनेमामा लगानी गर्ने वातावरण बनाउनु पर्ने बताउँदै यस्तो क्रियाकलापले बातावरण खलबलिने बताए । यस्तै कार्यक्रममा उपस्थित चलचित्र निर्माता संघका अध्यक्ष राजकुमार राईले ओष्कारका लागि सिनेमा छनोट गर्ने समितिले केही कार्ययोजना परिमार्जित गर्दै अघि बढ्नु पर्ने बताउदै यस्तो कामलाई सबैले प्रोत्साहन गर्नु पर्ने बताए ।

चलचित्र कलाकार संघका अध्यक्ष नबल खड्काले सुनगाभा ओष्कारको लागि छनोट हुनु गर्वको कुरा भएको बताए । ओष्कार सिनेमा छनोट समितिमा रहेका निर्देशक लक्ष्मीनाथ शर्माले सबै कुराको विश्लेषण गरेर सुनगाभालाई ओष्कारको छनोटमा पठाएको बताए । नायिका निशा अधिकारीले सबैभन्दा ठूलो कुरा राष्ट्रियता भएको भन्दै ओष्कारमा छनोट हुँदा नेपालीहरु खुशी हुनु पर्नेमा जोड दिइन । नीशा अधिकारी, दिया मास्के, सौगात मल्ल लगायतका कलाकारले अभिनय गरेको सुनगाभासँगै वधशाला, शिरिषको फूल लगायतका चलचित्र अन्तिम प्रतिस्पर्धामा उत्रिएका थिए ।

ऋतुको प्रोमो र पोष्टर सार्वजनिक

सिड्नी । अस्ट्रेलियाका नेपालीको लगानिमा निमार्ण भैरहेको चलचित्र ऋतुको प्रोमो र पोष्टर सार्वजनिक भएको छ । आज सिड्नीमा आयोजित एक कार्यक्रममा  नेपाली समुदायका प्रतिनिधिहरुमाझ चलचित्र ऋतुको प्रोमो र पोष्टर सार्वजनिक भएको हो । उक्त कार्यक्रममा बोल्दै  एन आर एन अस्ट्रेलियाका अध्यक्ष महेन्द्र ओलीले नेपाली युवाहरुको लगानि र मेहनेतलाई प्रवर्द्धन गर्न आफूले सधै सहयोगिको भुमिका निभाउने बिचार राखेका थिए ।

कार्यक्रममा ऋतु चलचित्र निमार्ण टोली र चलचित्रका सिड्नीमा रहेका कलाकारहरुको परिचय गराईको थियो । उक्त कार्यक्रममा एनआरएन ओसिनिया संयोजक मन केसी, एनआरएन अस्ट्रेलियाका  महासचिव भरत पोखरेल, अस्ट्रलियन सरकारका मन्त्री स्तरिय सल्लाहकार समिति सदस्य महेन्द्र लम्साल, चलचित्र वितरक दिनेश पोखरेलले सफलताको शुभकामना दिएका थिए । चलचित्रमा रालबल्भ कोईराला, मलिना जोशी, रीमा बिश्वकर्मा, मन के सी, कमल सिलवाल, बुलसन लाम्गादे, इभा इभानोभा, सुशिला बुढाथोकी लगाएतको अभिनय रहेको छ ।
यो चलचित्रमा निस्प्रभ सजीका गीत,  हेमन्त राना र सुजिल कर्माचार्यको संगीत रहेको छ । यस्तै कोरियोग्राफी भिमसेन गुरुङ, सैलु आचार्य, सुरज प्रधान र अशोक गौतम निर्माता रहेका छन् । आल्फ फिल्म्सको ब्यानरमा निमार्ण भैरहेको यो चलचित्रका निर्देशक मनोज अधिकारी रहेका छन् ।

चेन्नाई एक्सप्रेस’ले पार गर्‍यो ‘थ्री इडियट्स’को रेकर्ड, १५ दिनमा २०३ करोड

अन्तत बलिउडका वादशाह साहरुख खान अभिनित चलचित्र ‘चेन्नाई एक्सप्रेस’ले बक्स अफिसका सम्पुर्ण रेकर्ड ब्रेक गर्दै आफूलाई नम्बर १ मा उभ्याएको छ । शुक्रबार चलचित्रले बक्स अफिसमा २.१२ करोडको व्यापार गर्दै आमिर खान अभिनित चलचित्र ‘थ्री इडियट्स’ले कमाएको २०२.४५ करोडको लाईफ टाइम कलेक्शनलाई उछिनेको हो ।यो चलचित्रले शुक्रबार सम्म २०२.६७ करोडको व्यापार गरेको छ । बलिउडमा कुनै पनि चलचित्रले अहिलेसम्म कमाएको सबैभन्दा ठूलो आँकडा ‘चेन्नाई एक्सप्रेस’को पोल्टामा गएको छ । चलचित्रले बलिउडमा आजसम्म बनेका सबै रेकर्डहरुलाई समेत तोडेको छ । चलचित्रको लाइफ टाइम कलेक्शन २२० करोड पुग्ने अड्कल काटिएको छ ।

यस्तै यो चलचित्र ओभरसिजमा १ सय करोड माथीको व्यापार गर्ने बलिउडको तेश्रो चलचित्र बनेको छ । यसअघि ‘थ्री ईडियट्स’ र ‘माई नेम ईज खान’ले ओभरसिजमा १ सय करोड माथीको व्यापार गरेका थिए ।

रोहित सेट्टीको निर्देशनमा साहरुख खान, दीपिका पादुकोण अभिनित यो चलचित्रले बक्स अफिसमा आफ्नो रफ्तारलाई रोक्ने छाटकाँट देखाएको छैन । चलचित्रले प्रदर्शनको पहिलो ३ दिनमै १ सय करोडको आँकडालाई छोएको थियो । बलिउडमा २ सय करोडको क्लबमा पुग्ने यो दोश्रो चलचित्र हो ।

यो बर्ष नायिका दीपिका पादुकोणका लागि निक्कै सुखद देखिएको छ । यो बर्ष उनले अभिनय गरेको चलचित्र ‘रेस २’ ले १०४ करोड, ‘ए जवानी हे दिवानी’ले १८८ करोड र ‘चेन्नाई एक्सप्रेस’ले १५ दिनमै २०३ करोडको व्यापार गरेको छ । बलिउड बादशाह साहरुख खानले आजसम्म ४ वटा १ सय करोड माथीको व्यापार गर्ने सिनेमा दिएका छन् । उनको भागमा ३ वटा सिनेमा ‘अल टाइम ब्लकबस्टर’को सूचिमा दर्जिएका छन् । यसअघि साहरुख अभिनित ‘दिलवाले दुल्हनिया ले जाएंगे’ र ‘कुछ कुछ होता हे’ अल टाइम ब्लकबस्टरको सूचिमा परिसकेका छन् ।